Sunday, December 17, 2017

पशु चिकित्सालयमा "६ पांग्रे" बिरामी



आज घरको "भुन्टी"ले धेरै पटक उल्टी गरेको हुनाले स्वास्थ्य परिक्षण गराउन रितव(छोरा)को सहयोगमा पशु चिकित्सालय, लगनखेलमा पुगेका थियौ l नयाँ भवन बन्दै गरेको रहेछ l चिकित्सालय खुल्ला छ की छैन र ओपिडी कता हो भन्न भेउ पाउन पनि एक छिन त अलमलमै पर्यौ हामी दुवै l सोधखोज गरि ओपिडी पत्ता लगायौ तर डाक्टर साहेब बाहिर जानु भाको रहेछ, १० १५ मिनेट पछी आउने खबर पायौ l 
 
भुन्टी: २ बर्ष अधि
 समय कटाउन रिताब भुन्टीलाई दुलाउन थाल्यो l म चाँही माइक्रोसफ्टले त्यागेको उही थोत्रोफोनबाट पशु चिकित्सालय परिसर भित्रै बन्दै गरेको नंया भवन पछाडी बडेमानको छ पांग्रे बिरामीको फोटो खिच्न थाले l "Caterpillar" कम्पनीको "120H" मोडलको "बा १ ग २०४४" सरकारी नबर प्लेट सहितको ग्रेदर सिकिस्त बिरामी परेर थला परेको थियो l रंग हेर्दा युवा नै देखिथ्यो तर कुनै टायर तगडा नै थिए त कुनै टायरहरू दुब्लाएर ख्याउटे भैसकेका थिए l उपचार भएको कुनै संकेत थिएन l उपचार गर्न अन्यत्र लैजान पनि नयाँ भवन बनिसकेकोले उ अटाउने बाटो नै छैन  l समयमै उचित उपचार भएको भए खर्च पनि थोरै लाग्थ्यो र यति बेलासम्म यसले देशको  सेवा पनि धेरैगरि सकेको हुन्थ्यो l 


१०,१५ मिनेट पछी डाक्टर साहेब आउनु भयो l त्यतिन्जेल सम्म "भुन्टी"को ज्वर नाप्ने काम भै सकेको थियो l डाक्टर साहेबले "भुन्टी"को  स्वास्थ्य परिक्षण गरि सके पछी "ज्वर पनि छैन आजलाई यो इन्जेक्सन दिएर हेरौ भएन भने भोलि बिहान १० बजे फेरी ल्याउनुहोला" भन्दै मेरो हातमा एउटा पुर्जी दिदै " बाहिर भेटनरी छ यो इन्जेक्सन र सिरिन्ज किनेर ल्याउनुस" भने l



भुन्टीको प्रेस्क्रिप्शन

भेटनरी गएर पुर्जी देखाएर यो इन्जेक्शन दिनुस भने, पसलमा बसेका साहुजीले "यो त मान्छेको औषधि हो क्लिनिकमा जानुस" भने l म अचम्ममा परे "पशु चिकित्सालयको पुर्जी देख्नु भएन यो मान्छेको हैन मेरो कुकुरको लागि लेखिएको हो" भनेर बुझाउन खोजे l उनले दुवै आँखा चिम्लिदै दुवै हत्केला माथि उठाउदै मलाई बुझाउने पारामा भने "हो मैले बुझेको छु यो औषधि जनावरको लागि लेखिएको हो तर यो मानिसमा प्रयोग गरिने चाँही हो त्यसैले क्लिनिकमा जानुस भनेको l

"त्यस पछी नजिकैको क्लिनिक पुगे पशु चिकित्सलायको पुर्जी देखेर भेटनरीमा जानुस भन्ला भनेर औषधि लेखिएको भाग मात्रै देखाएर इन्जेक्सन र सिरिन्ज दिन भने र बिल अपनी मागे त्यसको लागि हजारको नोट दिए l साहुनीले "चानचुन दिनुस" भने किन र कति भयो भनि सोधे जवाफमा "२० रुपैया भनिन" मलाई अचम्म लाग्यो l पहिले पहिले निजि क्लिनिकमा सानो तिनो उपचार गराउदा पनि कम्तिमा ४सय, ५सय तिर्ने गरेको थिए, आज २० रुपिया सुन्दा अचम्म लाग्नु स्वाभाविकै हो l 
 
भुन्टी अहिले स्वास्थ्य देखिन्छिन  

भुन्टीलाई सुइ लगाएर घर फर्किदा बाटोमा बाबु छोरा महको "तर्सिंग होम" सम्झिदै गफिदै हास्दै घर फर्कियौ l

Friday, December 15, 2017

आश गर्नु बाहेक के नै गर्न सकिन्छ र ?




माथिको फोटो आज (२०७४/०८/२९ )साँझ कार्यालयबाट घर पुगे पछी खिचिएको हो l मैले लगाएको गाढा निलो रंगको पाईन्ट धुलाम्य भएको छ l 

म कुनै ग्रामिण इलाकाको यात्रामा थिइन l नेपालको राजधानी, काठमाण्डौ महानगरपालिका र ललितपुर महानगरपालिका रिंगरोड क्षेत्रमा पर्ने कलंकी, बल्खु सानेपा र नयाँबाटो छिचोल्दा दैनिक रुपमा म यस्तो हविगत भोग्न बाध्य छु l

करिब २०-२५ मिनेटको स्कुटरको यात्रामा मैले लगाएको लुगा यसरी धुलाम्य भएको हो l यो पाइन्ट त धोए पछि सफा हुन्छ नै तर बिगत लामो समय देखि यो बाटो निरन्तर रुपमा प्रयोग गरिरहदा म लगायत अन्य यात्रु तथा बटुवाहरुको स्वास्थ्यमा कस्तो असर पर्यो होला ?  

काठमाण्डौ वायु प्रदुषणका बारेमा अनलाइन खबरमामा प्रकाशित एक समाचारमा " काठमाण्डौको हावामा २.५ माइक्रोग्राम भन्दा साना धुलोका कण बढ्दै गएका छन् l ती कणहरु क्यान्सर, हृदयघात र मस्तिष्कघात गराउने रसायन हुन्छन l त्यस्ता कण श्वासप्रश्वास मार्फत फोक्सो हुदै रगतमा पुग्छन l रगत मार्फत रक्तसंचार प्रणालीबाट मुटुमा पुगेर जम्मा हुन्छन l रगत मार्फत नै मस्तिष्कघात गराउछन l विश्व बैंक तथ्यांकले भयावह रुप देखाउछ, जस अनुसार नेपालमा बर्सेनि २२ हजार जनाको मृत्युको कारण वायु प्रदुषण हो l" भनि उल्लेख गरिएको छ l यस्तो भयानक अवस्थाको जिम्मेवारी कसको हो?
हाल रिंगरोडमा बाटो फराकिलो पार्ने कार्यले गर्दा धुलो बढी उडेको हो l बाटो फराकिलो पार्ने कार्य गर्दा साधारणको स्वास्थ्यसंग यसरी खेलवाड गर्न पाइन्छ? सडक फराकिलो पार्ने कामको प्रारम्भ हुनु भन्दा पहिले पनि धुलोको कुनै कमि भने थिएन , बल्खु क्षेत्रमा l


२०७० भाद्र १९ गते खिचिएको बल्खुको फोटो


 
पहिले स्थानीय निकाय नभएका कारण यस विषमा ठोस कार्य हुने सकेन भनियो l निर्वाचन पश्चात स्थनीय निकायमा मयेर, उपमेयरले पद बहाली गरे, अनेक आश्वासन दिए तर काठमाण्डौको वायु प्रदुषणमा रत्तिभर कमि आएन l हामी सर्वासाधारणलाई बायु प्रदुषणका कारण रोगी बाध्य हुन पारिएको छ l रोगी हुदाँ पनि हामीले गर्व गर्ने अवसर प्राप्त गर्ने छौ किनकि हामीले रोगी भएर उपचार गराउदा पनि जनता रोगी बनाउने सरकारलाई कर तिर्ने सुअवसर प्राप्त गर्नेछौ  l  

भर्खर निर्वाचनहरु भएका छन l हेरौ अब बन्ने नंया सरकारले केहि गर्छ की ? आश गर्नु बाहेक के नै गर्न सकिन्छ र ? 
 


काठमाण्डौको धुँवा, धुलो र बायु प्रदुषणबारे गुगलमा खोज्दा भेटिएका बिभिन्न संचार माध्यमहरुमा प्रकाशित समाचारका  शिर्षक तथा फोटोहरु 












सम्बन्धित सामाग्री