"श्री ३ जुद्ध" १९९४, १९९५, र १९९९'

 

आज बिहान अर्थात २०८१ पुष १२ गते शुक्रबार, कार्यालयतर्फ जाँदै थिएँ। नारायणहिटी दरबार परिसरको पश्चिमतर्फ, लैनचौर एरियाको सडक पेटीको मर्मत कार्य भइरहेको देखे। सायद सडक किनारामा पानी बग्ने बाटो बनाईदै थियो l मर्मत कार्यका क्रममा नारायणहिटी दरबार परिसरको सडक छेउको पुरानो पेटी खनिएको रहेछ। खनिएको स्थानमा पुराना इँटाहरु उप्काईएको र छरपस्ट भएको अवस्थामा थियो।

यी  इँटाहरुमा 'श्री ३ जुद्ध १९९४,' 'श्री ३ जुद्ध १९९५,' र 'श्री ३ जुद्ध १९९९' कुदिएका अक्षरहरू स्पष्ट देखिन्थे। छरपरस्त धेरै इँटाहरुमा यस्तै लेखन थियो। नेपाली इतिहास र वास्तुकलासँग सम्बन्धित यी  इँटाहरु देखेर चासो जाग्यो। सायद अन्य  "वर्ष" पनि उल्लेख भएका इँटाहरु पनि त्यहाँ थिए की ?  तर विस्तारमा सबै हेर्न समय नै थिएन।

कार्यालय जान ढिलो भइसकेको थियो, त्यसैले मैले हतारमा केही तस्बिरहरू मोबाईलबाट खिचें। यी ऐतिहासिक इँटाहरु हाम्रो सम्पदाको प्रमाण हुन् भन्ने मलाई लाग्छ । मर्मत कार्यको क्रममा यस्ता वस्तुहरूको संरक्षण गर्न सकिने उपायहरूमाथि सम्बन्धित सबैले सोच्न जरुरी छ। 

तपाईंले पनि यस्ता ऐतिहासिक वस्तुहरू कतै देख्नुभएको छ? इतिहास र सम्पदाको यो झलकले तपाईंलाई कस्तो अनुभूति गरायो? आफ्नो विचारहरू साझा गर्न नबिर्सिनुहोस्!

मर्मत कार्य भई रेहको स्थान (रातो घेरामा) जहाँ "श्री ३ जुद्ध" कुदिएका इँटाहरु
छरपरस्त अवस्थामा रहेको देख्न सकिन्छ    

मर्मतकार्यमा उप्काईएर छरपरस्त रहेका इँटाहरु मध्ये  "श्री ३ जुद्ध १९९४" कुदिएको एउटा इँटा

मर्मतकार्यमा उप्काईएर छरपरस्त रहेका इँटाहरु मध्ये "श्री ३ जुद्ध १९९५" कुदिएको एउटा इँटा

मर्मतकार्यमा उप्काईएर छरपरस्त रहेका इँटाहरु मध्ये  "श्री ३ जुद्ध १९९५" कुदिएको इँटा

मर्मतकार्यमा उप्काईएर छरपरस्त रहेकाईटाहरु मध्ये  "श्री ३ जुद्ध १९९५" कुदिएको एउटा इँटा

 मर्मतकार्यमा उप्काईएर छरपरस्त रहेका इँटाहरु, जसमा  "श्री  जुद्ध" र "साल" कुदिएका छन्  

मर्मत कार्यमा उप्काइएका इँटाहरु 

मर्मत कार्यमा उप्काईएका इँटाहरू मध्ये  "श्री ३ जुद्ध १९९४" कुदिएको एउटा इँटा

"श्री ३ जुद्ध १९९९" कुदिएको एउटा इँटा

"श्री ३ जुद्ध १९९९" कुदिएको एउटा इँटा

जुद्ध शमशेर जङ्गबहादुर राणा बारे छोटो जानकारी 

स्रोत: विकिपिडिया 

नारायणहिटी राजदरबार वरपर "श्री ३ जुद्ध" कुदिएको इँटा फेलापर्नुलाई श्री ३ जुद्ध शम्सेरको  नारायणहिटी राजदरवारसंग सम्बन्ध रहेको प्रमाण मान्न सकिन्छ । 

"श्री ३ जुद्ध शमशेरको पालामा, १९९० सालको महाभूकम्प पछि नारायणहिटी राजदरबारलाई पुनःनिर्माण गरिएको थियो।" भन्ने अपुष्ट जानकारी पाएको छु l  

पुरानो नारायणहिटी दरवार १९२० l हालको दरबार निर्माण गर्न यसलाई १९५८म  भत्काइएको थियो।
स्रोत: विकिपिडिया 

 

यस विषयमा यहाँहरुको जानकारीमा रहेका  तथ्य तथा आफ्ना विचारहरू पनि साझा गर्न नबिर्सिनुहोस्!

 पीडितहरुलाई थप पीडा  

आज अर्थात्  ११ फागुन २०८०, शुक्रबार, सिंहदरवार तर्फ हिडेका मिटर ब्याज पीडितहरुलाई प्रहरीले  भृकुटीमण्डप छेउबाट अधि बढ्न रोकेको थियो l उनीहरु बाटैमा बसेका थिए l जसका कारण ट्राफिक जाम भएको थियो l झापाको काँकडभिट्टा र कञ्चनपुरको महेन्द्रनगरबाट पैदल हिंडेका मिटरब्याज पीडित २३ दिनपछि बुधबार काठमाडौं आइपुगेका हुन् । सरकारले पिडितहरुलाई बाटैअलपत्र पर्ने गरि रोकेर किन झन्  पिडित बनाएको होला ?  उनीहरु काठमाण्डौमा आएर आन्दोलन गर्दैछन भन्ने त पूर्ब जानकारी थियो नै l 

२३ दिन सम्म सरकार के सोचेर बसेको थियो होला ?