With Bimal: शिलालेखहरुको छुट्टै संग्रहालय...

आज बिहान घुमघामको सिलसिलामा पाटनको बालकुमारी मन्दिर पुगियो l दशैको अवसर परेर होला भक्तजनहरुको निक्कै घुइचो थियो l मन्दिरको पछाडी पट्टी स साना मुर्तिहरु धेरै थिए l ति मुर्तिहरु संगै शिलालेखहरु पनि थिए l

शिलालेख कला र इतिहासको मिस्त्रित अभिलेख हो l इतिहासको अध्ययनमा यस्ता सम्पदा अभिलेखहरुको ठुलो महत्व हुन्छ l शिलालेखहरु काठमान्डौ लगायत देशका विभिन्न स्थानमा असंख्य छन् l यस्ता महत्वपुर्ण अभिलेखहरुको ब्यबस्थितर एबम बैज्ञानिक रुपमा सरंक्षण र सम्बर्धन हुन सकेको छैन l प्रदुषणयुक्त बातावरणले खुल्लारुपमा राखिएका शिलालेखहरु क्रमश: खीइदै गईरहेका छन् l कसैले हतियारमा धार लगाउने साधनको रुपमा प्रयोग गरेका छन्, कसैले गुच्चा ठोकाउने कार्यमा, त्यसै गरि पुजा आजाको क्रममा टिका, रंग आदि लगाई दिदा पनि शिलालेखहरुको बिनाश भैरहेको छ l

यस्ता महत्वपुर्ण ऐतिहासिक अभिलेखहरुको यथास्थानमा बिशेषरुपमा संरक्षण गरिनु पर्दछ l एउटा छुट्टै संग्रहालय बनाएर ति शिलालेखहरूको फोटो संग्रह गरि त्यसमा उल्लेख भएका तथ्यहरु अन्य भाषाहरुमा समेत उल्था गरेर राख्नु उचित हुन्छ l